Од 19:30 часот, поради интензивни врнежи од снег, се воведува забрана за сообраќај за тешки товарни возила на патниот правец Струга – граничен премин Ќафасан.
Снежните врнежи предизвикуваат отежнати услови за возење и опасност од сообраќајни незгоди, поради што оваа мерка е преземена како превентивна.
Се апелира до возачите на товарни возила да не се упатуваат по оваа делница додека не се подобрат временските услови, а останатите учесници во сообраќајот да бидат особено внимателни. Надлежните служби се на терен и работат на расчистување и обезбедување на патот.