Жичницата на Водно денеска нема да сообраќа поради засилен ветер, информираа од ЈСП Скопје.
Од претпријатието посочуваат дека моменталната јачина на ветерот ги надминува дозволените безбедносни граници за нормално и сигурно функционирање, поради што е донесена одлука за привремен прекин на работата.
„Надлежните служби ја следат состојбата на терен и веднаш штом ќе се создадат соодветни временски услови, жичницата ќе продолжи со редовен превоз на патници“, информираат од ЈСП.
Жичницата која води кон Водно е една од најпосетените рекреативни атракции во Скопје, особено за време на викендите и празниците, па ваквите прекини најчесто се поврзани со безбедносни причини.
