Доколку во текот на зимата избегнувате смути, бидејќи чувствувате дека летото е попријатно како еден вид освежување, денес ви претставуваме рецепти кои ќе ве уверат во спротивното.
Имено, заедничко им е тоа што се загреваат, а во исто време се богати со хранливи материи. Пред да преминеме на рецептите, ќе ви ја откриеме постапката за подготовка на секое смути.
- Блендер
Избегнувајте замрзнато овошје, но почекајте да се одмрзне и да отстои на собна температура. Во тој случај потребни се 5 до 10 минути за мешање.
- Рингла или микробранова печка
Истурете ја кашата во тавче што се загрева и ставете го на тивок оган. Истото важи и за микробрановата печка.
- Загреана течност
Смутито можете да го загреете и со додавање топла вода, млеко или друга течност.
По воведната приказна, преминуваме на она што повеќе ве интересира, а тоа се комбинациите на овошје и зеленчук за највкусни оброци.
- Витаминска бомба
Состојки:
Половина шолја топла вода, едно манго, еден портокал и две лажици рендан ѓумбир.
Излупете ги мангото и портокалот, па исечкајте ги на ситни парчиња, па додадете го ѓумбирот. Смесата прелијте ја со вода, за да ја добиете саканата густина. Доколку чувствувате дека ви треба нешто многу топло, ставете го смутито накратко во микробранова печка.
- Смути од банана
Состојки:
Една шолја топла вода, една излупена банана, една лажица сечкани ореви, два урми без кори, прстофат цимет, прстофат ѓумбир во прав, малку екстракт од ванила по вкус.
Сите состојки измешајте ги во блендер, па добиената смеса истурете ја во саканите чинии и ставете ги во микробранова печка. Посипете малку цимет, по вкус.
- Чоколадно задоволство
Состојки:
Четири сечкани банани, половина чаша загреано млеко по избор, една лажица путер од кикирики, две лажици незасладено какао и половина лажичка цимет.
Најпрво изгмечете ги бананите, па додадете ги состојките една по една и попатно мешајте додека смесата не се изедначи. Одозгора можете да посипете рендан ѓумбир, темно чоколадо, кокос или да го подобрите вкусот со уште малку путер од кикирики. Како и во случајот со претходните десерти, смутито можете да го загреете на шпорет.
- Зелено смути
Состојки:
Две чаши топла вода, две јаболка, две шолји свеж спанаќ, една банана, една урма, грст семки од тиква, прстофат мелен ѓумбир, иста количина кајен пипер, малку екстракт од ванила.
Прво измешајте ги семките од тиква, ѓумбирот, биберот и ванилата, а потоа и останатите состојки, за на крајот да додадете вода. Кога смесата ќе ја достигне саканата густина загрејте ја на рингла и послужете.
