Во обилните дождови на истокот на Авганистан загинаа најмалку 40 лица, а околу 350 се повредени, соопштија денес талибанските власти.
Портпаролот на Министерството за јавно здравје Шарафат Заман Амар потврди дека 40 лица загинале во невремето во понеделникот, а дека 347 повредени се пренесени на лекување во Регионалната болница Нангархар од Џалалабад, главниот град на провинцијата Нангархар и околните области.
Меѓу жртвите има и пет членови на семејството, кои загинаа кога се урна покривот на нивната куќа во областа Сур Род, изјави портпаролот на провинцијата Седикулах Кураиши.