Во Клиниката за инфективни болести, од вчера прегледани биле четири сомнителни случаи на морбили, од кои двајца се хоспитализирани во Клиниката.
Станува збор за седуммесечно бебе од Студеничани, кое не е вакцинирано и воспитувачка на 35 годишна возраст од градинка во Кисела Вода. На клиниката во моментов има 26 пациенти – информираат во Министерството за здравство.
Инаку, на Клиниката за инфективни болести во моментот се хоспитализирани 26 пациенти со морбили, а од почетокот на епидемијата се регистрирани вкупно 111 случаи со ова заболување. Во пунктовите за вакцинација денеска до 13 часот вкупно се вакцинирани 4.530 деца, наведуваат од Министерството за здравство.