Американската компанија „Џонсон и Џонсон“ го запре производството на својата вакцина против коронавирус, позната во Европа како „Јансен“, објави Њујорк Тајмс, повикувајќи се на свои извори.
Според весникот, на крајот на 2021 година компанијата ја затворила фабриката во холандскиот град Лајден, каде што била произведувана вакцината.
Исклучувањето е привремено и по паузата, производството на вакцини во фабриката ќе продолжи. Според весникот, компанијата се подготвува да продолжи со производство во март.
Еден од изворите на весникот забележува дека прекинот на производството може да ја намали понудата на вакцината за неколку милиони дози.