Русија и Украина се договорија за хуманитарни коридори со можност за привремен прекин на огнот во областите за евакуација. Украинската делегација соопшти дека не ги добила резултатите што ги очекувала, но дека ќе има трет круг во наредните денови.
Втората рунда разговори меѓу Москва и Киев започна со ракување и заврши со очекување на трета средба.
„Главното прашање што беше решено денеска е спасувањето на цивилите кои се нашле во зоната на воен конфликт“, изјави Владимир Медински, портпарол на руската делегација.
Украинската делегација реагираше на Твитер: „Заврши втората сесија на преговорите. За жал, потребните резултати за Украина се уште не се достапни. Има само едно решение – да се организираат хуманитарни коридори“.
Украинскиот претседател Зеленски побара разговор лице в лице.
„Не се работи за тоа дали сакам да разговарам со Путин, мислам дека треба да разговарам со Путин, светот треба да разговара со Путин бидејќи не постои друг начин да се запре оваа војна“, рече Зеленски.
Путин одржа и прес-конференција.
„Специјалната воена операција се одвива строго според распоредот. Според планот. Сите поставени задачи се успешно решени. „Никогаш нема да се откажам од моето убедување дека Русите и Украинците се еден народ“, рече Путин.
Поранешниот руски олигарх Михаил Ходорковски за германски РТЛ изјави дека рускиот претседател дејствувал од страв.
Поранешниот руски олигарх Михаил Ходорковски за германски РТЛ изјави дека рускиот претседател дејствувал од страв.
„Можеме да видиме дека дури и оние во неговиот најтесен круг седат на 10 метри. Тој е исплашен. Видовме дека кога и објави војна на Украина ги вклучи сите блиски до него. Тој ги принуди на јавна поддршка за војната. Тоа значи дека тој не е сигурен во својата безбедност“, рече Ходорковски.
Според него, руското општество нема објективни информации за тоа што се случува, бидејќи сите независни медиуми се забранети.