“Тоа е што ние можевме како Регулаторна да го направиме. Ќе дојдат мерките од Влада, барам разбирање од страна на трговците”, рекоа од Регулаторната комисија на брифинг со новинарите.
Речиси сите трговци реагирале на последните измени кои ги воведе РКЕ, но во овој момент никој не информирал дека ќе прекине да точи гориво во знак на протест.
Инаку малопродажната цена се утврдува со просек од последните 5 дена на цените на светските берзи.
Според берзата, денеска се очекува ново зголемување на цените на малопродажба кај нас, тоа официјално ќе го објави вечерва регулаторната комисија.