Албанските власти одлучија да ги укинат сите преостанати ограничувања наметнати од пандемијата на коронавирус пред летната сезона.
Техничкиот комитет на експерти, највисокиот извршен орган во земјата за време на пандемијата, денеска соопшти дека мерките поврзани со корона вирусот ќе бидат укинати на 1 мај.
Одлуката значи дека маските повеќе нема да бидат задолжителни во затворени простории, ноќните клубови повеќе нема да мора да се затвораат во 23 часот и повеќе нема да бидат потребни докази за вакцинација или негативен ПЦР тест за влез во Албанија.
Властите ги повикаа жителите да продолжат да се вакцинираат против коронавирус. Од 2,8 милиони Албанки, околу 60 отсто примиле две дози од вакцината, а 12,4 отсто примиле трета. Властите ги повикаа оние над 60 години да примат четврта доза од вакцината.
Албанија пријави значително помалку нови инфекции во последните недели отколку порано.