Едно од трите дрвја кои лично ги засадила Мајка Тереза во центарот на Скопје денеска е исечено и однесено во непознат правец.
Институтот за духовно и културно наследство на Албанците во Скопје денеска реагираше на откорнувањето на елката која лично ја засадила Мајка Тереза на скопскиот плоштад.
Од ИТШКШ велат дека било потребно елката да се врати во претходната состојба откако била откорната од лошото време, додека денеска истата е исечена, според нив ова претставува варварски чин.
„Денеска наместо да ја санираат состојбата, да ја вратат елката во претходната состојба, ја сечеле на повеќе делови, ја натовариле во камион и ја испратиле во непознат правец. Фирмата која ги извршила овие дејствија, извршила варварски чин врз објект кој припаѓа на наследството на Мајка Тереза, бидејќи се работи за ела која била засадена од нејзина рака во 1980 година, па затоа ИТШКШ-Одделение за наследство на Гонџе Бојаџиут – Мајка Тереза итно бара од општинските и централните власти да започнат постапки за преземање одговорност за сторителите на овој грозен чин“, велат од ИТШКШ.
4NEWS.mk синоќа алармираше за овој случај.
ФОТО: Два дена стои дрво паднато врз спомен плочата на Мајка Тереза
Пред 42 години Мајка Тереза е прогласена за почесен граѓанин на Скопје. По тој повод овие три дрвја, што го разубавуваa платото пред ГТЦ, биле засадени од рацете на Мајка Тереза, скопскиот градоначалник Методи Антов и од тогашниот скопски бискуп Јоаким Хербут.
