Руската новинарка Марина Овсијаникова, која се прослави со појавувањето во живо со плакат со повик против војната во Украина, беше приведена вчера. Ова го соопштија нејзините роднини и нејзиниот адвокат, пренесе Франс прес.
Нема официјални информации за причините за притворот, но тоа дојде неколку дена откако Овсијаникова сама протестираше пред Кремљ, држејќи држејќи плакат со критики за војната во Украина и претседателот Владимир Путин.
Подоцна била ослободена откако била казнета.
„Марина е уапсена. Нема информации за нејзината локација“, соопштија од придружбата на новинарката на нејзиниот канал Телеграм. Оваа порака беше придружена со три фотографии на кои се гледа како 44-годишната жена ја водат до бело комбе двајца полицајци.
Нејзиниот адвокат Дмитриј Захватов потврди за РИА „Новости“ дека неговиот клиент е уапсен. „Претпоставувам дека тоа е поврзано на еден или друг начин со нејзината протестна акција“, рече тој, додавајќи дека не знае каде е таа.
Во петокот, Овсијаникова објави на Телеграм фотографии на кои стои покрај Кремљ со постер на кој Путин го нарекува „убиец“ поради смртта на украинските деца.
Таа стана светски позната во средината на март, откако се појави на вечерните вести на про-Кремљ телевизиската станица за која работеше со плакат во кој ја критикува руската медиумска пропаганда за војната во Украина.
Подоцна била ослободена откако била казнета.
Снимката од оваа нејзина манифестација го обиколи светот и многу луѓе ја поздравија храброста на новинарката во контекст на репресијата на секој критички глас во Русија.