Лидерот на партијата ДУИ, Али Ахмети оствари работна средба со амбасадорот на Велика Британија во Македонија, Рејчел Галовеј.
Ахмети и амбасадорката Галовеј на средбата размениле мислења за политичката ситуација во Македонија, но и во регионот, градењето на ДУИ за следните две децении, како и за претседателските избори и изрази благодарност до Велика Британија за поддршката во сите прогресивни процеси во земјата во насока на затворање на споровите со соседите, евроатлантската интеграција и реформите во земјата.
Во врска со претседателските избори, Ахмети зборувал околу концептот на еден прифатлив кандидат за носителите на политичкиот легитимитет делегиран од граѓаните и во согласност со нивните очекувања.