Седум лица загинаа во експлозија на бензинска пумпа во северозападниот дел на Ирска, соопшти денеска ирската полиција, цитирана од БТА.
Осум лица се хоспитализирани, а потрагата по други жртви продолжува.
Експлозијата се случила вчера попладне во селото Креалоу. Фотографиите ја покажуваат штетата предизвикана од експлозијата во бензинската пумпа, како и на фасадите на околните згради.
Полицијата, пожарникарите, Ирската служба за брза помош и крајбрежната стража присуствуваа на местото на настанот.