Европскиот парламент денеска гласаше за резолуцијата за прием на Хрватска во Шенген. Одлуката беше усвоена со 534 гласа „за“, 53 „против“ и 25 воздржани.
Европратениците го повикуваат Советот да го продолжи процесот и да донесе конечна одлука за укинување на граничните контроли.
Тие очекуваат да се земат предвид извештаите за повлекување мигранти на хрватските граници, како и независните проценки и мониторинг да се усогласат со меѓународното право.
Пред неполн месец и европратениците изразија поддршка за итен прием на Бугарија и Романија во европскиот простор без гранични проверки.
Се очекува ова прашање да биде ставено на гласање на состанокот на Советот на ЕУ на 8 декември. За позитивна одлука е потребно едногласност.
По гласањето, известувачот Пауло Рангел рече дека Хрватска доживеала најсеопфатна проценка за членство во Шенген од која било земја во ЕУ досега. „Имплементирано е 281 препорака во 8 области од шенгенското законодавство. Комисијата и Советот ја потврдија подготвеноста на земјата за целосно спроведување на Шенген правилата. Европскиот парламент целосно се согласува – отстранувањето на контролите на внатрешните граници треба да се направи до крајот на оваа година“, додаде тој
На 9 декември 2021 година, Советот потврди дека Хрватска ги исполнила сите неопходни услови за целосно спроведување на правилата на Шенген.