Советот на наставници во Техничкото училиште од Трстеник, Србија, ги избркал учениците кои се изживуваа врз професорката по англиски јазик Марија Стевановиќ.
Тие својот брутален чин го снимиле, а потоа и го објавиле на социјалните мрежи со цел да се пофалат.
На видеото може да се забележи дека еден од учениците насилници и го повлекува столот на наставничката, при што таа паѓа.
Užas u Trsteniku, maltretiraju nastavnicu i izmiču joj stolicu. pic.twitter.com/zLKDe2KXuB
— krunskisvedok (@noviput) November 16, 2022
Активот на директори на основните и средните училишта во Трстеник најостро го осуди насилството и побара сторителите на инцидентот да бидат казнети, изразувајќи целосна поддршка за нападнатата професорка по англиски јазик Стевановиќ и вработените во училиштето.
Инцидентот се случи пред една недела, и во него учествувале тројца ученици.
Професорката – жртва на немилиот настан во изјава за српските медиуми посочила дека не била ни свесна за тоа што се случило на часот, како што вели, дури кога дошла дома и синот и го покажал видеото, сфатила што ѝ се случило.