Утрово судовите низ Хрватска добија пријави за бомби, а потоа и трговски центри. Вработените биле евакуирани, а по претрес во просториите било утврдено дека се работи за лажни пријави.
„Околу 17:00 часот завршија сите проверки на анонимно добиени пријави за наводно подметнати експлозивни направи во објекти/згради на правосудни органи и трговски центри во сите 20 полициски одделенија низ Република Хрватска.
Противексплозивен увид и увид на полициски службеници во соработка со безбедносните служби на трговските центри утврди дека сите пријави се лажни“, соопштија од полицијата.