Средбата Заев-Мицкоски е закажана за утре во 20 часот во Владата. Премиерот Заев изјави дека со лидерот на ВМРО, Мицкоски ќе разговара на тема пред се за претседателските избори и се останато што е во интерес на државата.
„Со мицкоски ќе разговараме на теми кои се важни и за престојните претседателски избори, ќе разговараме за реформските закони и ќе разговараме за се што е во интерес на државата“, рече Заев.
Премиерот кажа дека ќе ги разгледа барањата на Мицкоски и ќе ги соопшти неговите и заедно како одговорности ќе ги разгледаат.
На прашањето зошто не учествуваат во средбата и албанските политички партии Заев одговори дека ова не е некој формален разговор за повеќе партии зошто пред се како што рече му е важно да се разговара за претседателските избори и за миграциски процеси, за безбедноста на државата која веќе ќе биде членка на НАТО.
„Верувам дека сите граѓани во Северна Македонија треба да се чувствуваат безбедни, немаат причина зошто да не се чувствуваат, веројатно има сѐ уште луѓе коишто прават во својата глава некои тајни планови. Нашата земја е безбедна, сигурна, стабилна. Тие што се влезени во некои филмови не ја загрозуваат безбедноста“, рече Заев.