Цената на струјата од Нова Година бележи одредени промени. Како што информираше на денешната прес конференција првиот човек на Регулаторната комисија за енергетика, Марко Бислимовски, цената за електрична енергија за домаќинствата се намалува за Првиот и Вториот блок, а кај Третиот и Четвртиот бележи зголемување.
„Кај домаќинствата, цената на електрична енергија за Првиот блок, се намалува за 4,11%. За Вториот блок се намалува за речиси 3%. Цената за Третиот блок се зголемува за 0,85% и за Четвртиот блок се зголемува за 7,65%“, рече Бислимовски.