Пораѓањето на летот од Велика Британија за Романија го принудило капетанот на авионот да слета непланирано во Прага, а новороденчето и мајката биле пренесени во болница.
Авионот летал од Бирмингем за Букурешт и слетал на аеродромот Вацлав Хавел во Прага, објави чешката новинска агенција ЦТК.
Момчето родено на овој меѓународен лет е добро, а тој и неговата мајка се згрижени во болница во Прага, потврди портпаролот на аеродромот.
Новороденчето е тешко 2,75 килограми, а неговата мајка Романка пред новогодишните празници отпатувала од Британија во својата татковина.
„Вечерва на аеродромот во Прага слета штрк. Мило ми е што и мајката и бебето се добро и им посакувам добро здравје“, изјави на Твитер извршниот директор на аеродромот во Прага, Томас Холи.