Турција го направи првото успешно плаќање преку трансакција преку мрежата на дигитални турски валути – проект кој е во прва фаза на истражување, објави централната банка на земјата, цитирана од Hurriyet Daily News.
Во соопштението на банката се наведува дека ќе продолжи да спроведува пилот тестови со затворен круг во првиот квартал од 2023 година.
„Наодите добиени од овие тестови ќе бидат споделени со јавноста преку сеопфатен извештај за проценка“, информираат од банката.
Во 2023 година, централната банка ќе ја прошири платформата за соработка со проекти за дигитална турска лира за да вклучи избрани банки и финтех компании. Претстојат и напредни фази од пилот студијата, која дополнително ќе го прошири учеството.
„Студиите за економската и правната рамка на дигиталната турска лира, како и нејзините технолошки барања, ќе бидат приоритетни во текот на 2023 година“, се вели во соопштението на финансиската институција.
Дигиталната национална валута на централната банка се заснова на блокчејн технологија. Дигиталните турски лири треба да се интегрираат во системите за идентификација и системите за банкарски трансфери.