Експлозија одекна во квартот Десњан во Киев, објави градоначалникот на украинската престолнина Виталиј Кличко, додавајќи дека на местото на инцидентот има луѓе од спасувачките служби.
„Експлозија во областа Десњански во Киев. Сите служби се на лице место. Детали подоцна“, рече Кличко на апликацијата Телеграм.
Кирило Тимошенко, помошник на украинскиот претседател, рече дека остатоци од дрон паднале на пат во областа североисточно од Киев, оштетувајќи ја соседната зграда.
„Се разјаснуваат информациите за (потенцијални) жртви“, рече Тимошенко во Телеграм.