Париските пожарникари вечерва успеаја по неколку часа гаснење на пожарот во катедралата Нотр Дам да ја сочуваат конструкцијата на објектот во целина, јавија француски медиуми.
– Можеме да кажеме дека конструкцијата на Нотр Дам е спасена во целина, изјави Жан-Клод Гале, командант на пожарната бригада и додаде дека огнот е речиси изгаснат.
Државниот секретар во Министерството за внатрешни работи Лоран Њунез изјави дека и понатаму се внимателни во проценките, но се „многу поголеми оптимисти“ отколку претходно.
Пожарот го гаснеа повеќе од 400 пожарникари кои успеаја да спречат ширење на огнот на северната камбанарија.
#BREAKING Notre-Dame's main structure is "saved and preserved" after fire.#NotreDame #Paris pic.twitter.com/eToNspGZXv
— Notre-Dame Cathedral (@CathedraleNotre) April 15, 2019
Тие нагласија дека ќе останат да го гаснат пожарот и во текот на ноќта. Според првичните информации од истрагата, најверојатно пожарот случајно избил.
Пожарот првично го зафати поткровјето, по што се урна дел од кровот и врвот на централната кула што го држеа четири столбови високи 93 метри.
The moment the Notre-Dame cathedral spire collapsed. bbc.in/2UB3YnO
Gepostet von BBC News am Montag, 15. April 2019
The post ВИДЕО: Конструкцијата на катедралата Нотр Дам спасена, Макрон: најлошото е избегнато appeared first on ТВ21.