Еден од преживеаните по денешното уривање на дел од мостот на автопатот кај Патра на западот на Грција вели дека било чудо што останал жив и што видел неколку мртви под урнатините.
Грчкиот сајт „Капитал“ пренесува дека преживеаниот, кој бил претставен само како Ром, рекол дека тој и останатите „ваделе старо железо“ од бетонската конструкција.
– Тогаш мостот падна. За чудо избегав. Таму останаа двајца-тројца. Тие се мртви. Ги видов – рече тој.
Се наведува дека под урнатините, според достапните информации, има неколку затрупани лица до кои спасувачите се обидуваат да стигнат.
🇬🇷 ALERTE – Plusieurs victimes dans l'effondrement d'un pont en construction à #Patras, dans l'ouest de la #Grèce. Des personnes sont coincées sous les décombres, annoncent les pompiers. pic.twitter.com/Qsj43vJYbL
— Infos Françaises (@InfosFrancaises) July 23, 2023
Грчкиот весник „Прототема“ на својата веб-страница наведува дека едно лице загинало, а осум се повредени, меѓу кои и еден кој во несвест бил пренесен во болница, додека спасувачите се обидуваат да стигнат до останатите затрупани.
Локалната веб-страница Пелоп наведува дека во изминатите две години на тој дел од мостот се работело како дел од контролираното уништување на конструкцијата.
Се споменува и дека мостот имал проблеми со статиката.
Дел од мостот се урна во близина на ромската населба во областа Харадр.
Локалните медиуми јавија дека група луѓе биле под мостот од високите горештини, кога врз нив паднала бетонската конструкција.