Судбината на 12 лица се уште е непозната по експлозијата во магацинот на пиротехничка опрема во Сергиево Посад кај Москва, а тие се водат за исчезнати, изјави денеска Олга Врадиј од Централниот комитет на Московскиот регион.
Едно лице загина, а повеќе од 50 луѓе се повредени во огромната експлозија што се случи вчера во објектот на оптичко-механичката фабрика Загорск.
Во болница се хоспитализирани 23 лица, од кои пет се во тешка состојба.
Во експлозијата е уништен хангар со површина од 1.600 метри квадратни, кој бил закупен од приватна компанија на земјиштето на фабриката, а од силината на експлозијата пукнало стаклото на неколку куќи во близина на фабриката.
Оптичко-механичката фабрика Загорск е водечки производител на оптички и електронски уреди што ги користат полицијата и здравствените работници.