Невремето кое се случи вчера попладне помеѓу 16.10 и 17.10 часот, на територијата на Општина Прилеп и околината, проследено со силен северен ветар, интензивен пороен дожд а нa некои места и град, нанесе голема штета на земјоделските површини и култури, соопштија од Центарот за управување со кризи.
Најмногу врнежи од град со големина на лешник се имало во месноста „Заград“, с. Мажучиште како и во с. Мало Коњари.
Пријавените штети на насадите со тутун и пипер дополнително ќе се утврдуваат од комисијата за процена на штети во Министерството за земјоделие – Подрачното одделение во Прилеп, заедно со комисијата за утврдување на штети во општина Прилеп.