Реки можеби течат на површината на колосална планета која се наоѓа на околу 120 светлосни години од Земјата, според новите докази откриени од вселенскиот телескоп Џејмс Веб.
Егзопланетата „К2-18б“ има атмосфера и услови кои можеби поддржуваат живот, велат научниците.
Телескопот Џејмс Веб откри метан и јаглерод диоксид во атмосферата на егзопланетата, што ја прави силен кандидат за постоење на океани под нејзината атмосфера богата со водород.
The Webb telescope has detected carbon dioxide and methane in the atmosphere of exoplanet K2-18 b, a potentially habitable world over 8 times bigger than Earth. Webb’s data suggests the planet might be covered in ocean, with a hydrogen-rich atmosphere: https://t.co/qN1SqCfFt1 pic.twitter.com/yoXF3flsUl
— NASA Webb Telescope (@NASAWebb) September 11, 2023
Уште позначајно, понатамошните набљудувања открија потенцијално постоење на молекула наречена диметил сулфид, која на Земјата ја произведуваат само живите суштества, поточно морскиот фитопланктон, пренесува Si-En-En.
Поголемиот дел од диметил сулфидот во атмосферата на Земјата се испушта од фитопланктонот во морските средини, објасни НАСА.
Оваа егзопланета е 8,6 пати поголема од Земјата и „крие“ многу молекули кои укажуваат на потенцијално постоење на живот.
Webb also hinted at a detection of dimethyl sulphide (DMS) on K2-18 b. On Earth, this molecule is only produced by microbial life. Because the detection needs to be confirmed, the team plans to follow up and look for additional evidence of biological activity on the planet.
— NASA Webb Telescope (@NASAWebb) September 11, 2023
Научниците се многу внимателни кога прават вакви проценки, но се почесто се слуша дека оваа егзопланета би можела да биде погодна за човечки колонии бидејќи се наоѓа во таканаречената „населлива зона“.
Астрономите ширум светот редовно ги следат податоците и фотографиите што ги испраќа вселенскиот телескоп Џејмс Веб на НАСА, а особено ги заинтригираа информациите поврзани со оваа планета.
НАСА наведува дека „К2-18б“ орбитира околу студената џуџеста ѕвезда „К2-18“ и е оддалечена 120 светлосни години од Земјата.
Оваа егзопланета е различна од која било планета во Сончевиот систем.
Традиционално, потрагата по живот на егзопланетите се фокусираше првенствено на помали карпести планети, но поголемите егзопланети погодни за живот се многу посоодветни за атмосферски набљудувања. Ова се планети за кои се верува дека се топли и покриени со вода, со атмосфери богати со водород. Научниците веруваат дека таквите планети би можеле да бидат потенцијални кандидати за живот и погодни за човечки колонии.