Поранешниот американски претседател Доналд Трамп денеска изјави дека проблемот на актуелниот претседател Џо Бајден не се неговите години, туку дека тој не е способен да ја извршува таа функција.
Некои од најголемите светски лидери беа на власт кога беа во осумдесеттите години и Бајден не е премногу стар за да биде претседател, но мислам дека е некомпетентен, што е поголем проблем, изјави Трамп за телевизијата Ен-Би-Си, пренесува Хина.
Последниот систематски преглед на Бајден покажа дека тој е во добра здравствена состојба, но факт е дека Белата куќа досега немала толку стар жител. Бајден би имал 86 години на крајот на евентуалниот втор мандат, поради што неговата поддршка од гласачите сè повеќе паѓа.