Американскиот претседател Џозеф Бајден изјави денеска дека САД се подготвени да му помогнат на Израел да се одбрани од иранските ракетни напади и да ја заштитат американската војска во регионот.
Џозеф Бајден на социјалната мрежа „Икс“ напиша дека разговарал со потпретседателот Камал Харис и со тимот за национална безбедност на Белата куќа за тоа како САД се подготвени да му помогнат на Израел да се одбрани од овие напади и да го заштити американскиот персонал во регионот.
Израелската војска објави дека Иран лансирал балистички ракети кон Израел.
Израелските медиуми објавија дека Иран истрелал повеќе од сто балистички ракети.