Од ЈСП Скопје велат дека е лажна веста со која е фалсификувано логото на електронската картичка „Скопска“.
Во објавата што се шири на социјалните мрежи се вели „патувајте бесплатно 1 година со Скопска картичка!“
-ЈСП ве поканува да се придружите на иницијатива за подобрување на градската мобилност и промоција на јавниот превоз. Обезбедете една од 500 паметни картички, кои нудат 1 година неограничено патување низ Скопје за само 2 долари! – стои во објавата.
Од ЈСП нагласуваат дека се работи за измама.
„Се работи за измама со лажен линк што краде податоци од платежните картички на граѓаните“, нагласуваат од ЈСП „Скопје“.