Либанскиот Хезболах денеска ја презеде одговорноста за саботниот напад со дрон врз домот на израелскиот премиер Бенјамин Нетанјаху во Цезареја, во централниот дел на земјата.
„Ја изјавуваме нашата целосна и единствена одговорност за операцијата во Цезареја насочена кон воениот злосторник Нетанјаху“, рече на прес-конференција Мохамед Афиф, шеф за односи со медиумите на Хезболах, пренесе АФП.
Нетанјаху рече дека нападот не го одвраќа од остварување на неговите воени цели.
Israeli media has released footage showing damage to Prime Minister Benjamin Netanyahu's house, following the drone attack by Hezbollah. The drone is said to have detonated at his bedroom window, causing significant damage to both the garden and the interior of the residence. pic.twitter.com/GWYdQCj8nS
— Ali Hashem علي هاشم (@alihashem_tv) October 22, 2024
Тој оцени дека обидот на „ирански сојузник“ да ги убие него и неговата сопруга е голема грешка.
Нетанјаху и неговата сопруга во тој момент не биле дома и немало повредени.
Иранската мисија во ОН соопшти дека акцијата ја извршил Хезболах од Либан, а израелската армија навела дека биле употребени три беспилотни летала, од кои едниот погодил зграда во Цезареја.