Северна Кореја денеска лансираше бараж балистички ракети со краток дострел во правец на отворено море, од источната страна на Корејскиот полуостров, соопшти Здружениот генералштаб на армијата на Јужна Кореја.
Според истото соопштение, се наведува дека е откриен проектил кој полетал кон Јапонското Море, но подоцна било објавено дека бараж проектили со краток дострел всушност бил истрелан од Пјонгјанг околу 7:30 часот по локално време. .
– Во целосна готовност сме и со американските и јапонските власти споделуваме информации за севернокорејската балистичка ракета – се наведува во соопштението, а пренесува агенцијата Јонхап.
North Korea tells UN it is speeding up nuclear weapons programme https://t.co/F1AYFeC1b2
— Dorothy Odawa (@DorothyOda48789) November 5, 2024
Ракетата полета околу 400 километри по лансирањето од севернокорејската област Саривон, која се наоѓа јужно од главниот град Пјонгјанг, соопшти јужнокорејската војска.
Јапонската влада, исто така, го потврди лансирањето на ракетата, а јапонската крајбрежна стража потврди дека проектилот паднал во морето во, како што соопшти HNK News, „надвор од ексклузивната економска поморска зона на земјата“.
Јужнокорејскиот министер за одбрана Ким Џонг-хјун предупреди дека тоа се случува кога во САД се одржуваат претседателски избори, така што Пјонгјанг ќе го привлече вниманието на САД и ќе го преувеличи своето постоење преку демонстрација на воена моќ.
I actually predicted a NK missile launch about two weeks ago – but in my mind it was going to be on Election Day —- it’s close enough –
North Korea launches barrage of short-range ballistic missiles towards sea | News | Al Jazeera https://t.co/ftsXneTFGK via @AJEnglish
— Mikel (@LaukMikel) November 5, 2024
Јужна Кореја, за потсетување, минатата недела лансираше интерконтинентална балистичка ракета со долг дострел со цврсто гориво кон морето од нејзиниот источен брег.
Во оваа прилика севернокорејската новинска агенција објави дека ракетата Хвасонг-19 била лансирана на 31 октомври, опишувајќи ја како најмоќната интерконтинентална балистичка ракета.
Се верува дека и Северна Кореја се подготвила за седмиот нуклеарен ракетен тест, соопшти минатата недела јужнокорејската разузнавачка служба.
⚡️ Today, a few hours before the US presidential election, North Korea launched several…
Read more on: https://t.co/mKZRmnHquo pic.twitter.com/Lmt2x1bxhH— information mondiale (@MoussaDial85418) November 5, 2024
Тензиите меѓу Северна и Јужна Кореја достигнаа највисока точка во изминатите години додека севернокорејскиот лидер Ким Џонг Ун се пофали со својот арсенал на балистички ракети кои постојано се подобруваат додека испраќа оружје и војници за да и помогнат на Русија и нејзините напори во конфликтот со Украина.
Северна Кореја негира дека испраќа војници во Русија и војната во Украина, но министерот за надворешни работи на Северна Кореја инсистира дека испраќањето војници не е против меѓународното право.
Сестрата на севернокорејскиот лидер, Ким Јо Јонг, ги осуди неодамнешните воени вежби на САД, Јапонија и Јужна Кореја како закана за Пјонгјанг и рече дека таквите воени вежби ги оправдуваат нуклеарните способности на Северна Кореја.
Јужна Кореја, САД и Јапонија одржаа заеднички воени вежби во неделата во кои беа вклучени американски бомбардер Б-1Б, јужнокорејски борбени авиони Ф-15К, КФ-16, како и јапонски борбени авиони Ф-2. Северна Кореја ваквите воени вежби ги гледа како обид и подготовка за непријателска инвазија на нејзина територија.