На денешното рочиште, Кристијан Плотников, член и еден од основачите на партијата „Десна“, сведочеше за односот на Љупчо Палевски – Палчо со оружјето. Плотников истакна дека Палчо го носел пиштолот за лична безбедност, особено по нападот на неговата куќа за време на короната.
„Пиштолот беше постојано со него, дури и кога спиеше“, изјави Плотников, додавајќи дека пиштолот, марка „Валтер“, се наоѓал во неговата близина. Плотников објасни дека Палчо имал дозвола само за поседување, но не и за носење оружје, поради што полицијата му го одзела пиштолот.
„Според медиумите, полицијата му го одзела пиштолот кога бил застанат на пат“ додаде Плотников. Тој потврди дека оружјето било присутно и во штабот на „Десна“.
Плотников откри и дека се познава со Палчо од 2017 година, кога го поддржал неговиот инцидент со новинарот Бранко Геровски.
За потсетување, на 5 мај 2023, полицијата му го одзела пиштолот на Палевски, кој бил без дозвола за носење.