Заменик-министерот за одбрана на Јужна Кореја, Ким Сон Хо, изјави денеска на состанокот на министрите за одбрана на Асоцијацијата на државите од Југоисточна Азија во Лаос дека мобилизацијата на севернокорејските војници како дел од руската армија за борба против украинските сили е „злосторство против човештвото“, објави Ројтерс.
„Невини млади луѓе се фрлени во илегалната инвазија на Москва во Украина како топовско месо“, изјави Ким, цитиран од јужнокорејското Министерство за одбрана, пренесе БТА.