На социјалните мрежи се појави необична снимка од портпаролката на руското Министерство за надворешни работи, Марија Захарова, на која се гледа телефонски повик кој ја прекинува нејзината прес-конференција.
Додека Марија Захарова одржуваше редовна прес-конференција и заѕвони телефонот.
Таа одговорила, а она што многумина ги изненадило е што гласот од другата страна се слушал поради микрофоните.
Не се слушна само гласот, туку и инструкцијата што ја доби Захарова.
„Машо, удри го Јужмаш во Днепар со балистички проектили, тоа што го спомнуваат на Запад, не коментирај ништо“, се слуша глас преку телефон.
wow, in the middle of her press briefing just now, Russian Foreign Ministry spokeswoman Maria Zakharova got a phone call from someone instructing her not to comment on today’s ICBM allegations. pic.twitter.com/rH3fpoxIHQ
— Kevin Rothrock (@KevinRothrock) November 21, 2024
Да потсетиме дека претходно воздухопловните сили на вооружените сили на Украина известија дека Русија во текот на ноќта лансирала интерконтинентална балистичка ракета над градот Днипро.
Ако е точно, тогаш ова е прво борбено лансирање на ваква ракета во историјата, дизајнирана да испорача нуклеарна боева глава до својата цел. Сепак, јасно е дека лансирањето е извршено без нуклеарна боева глава, јавуваат украинските медиуми.
Ден претходно, британските крстосувачки ракети „Storm Shadow“ за прв пат беа употребени во областа Курск во Русија. Пред тоа, рускиот претседател Владимир Путин потпиша указ за одобрување на ажурираната руска нуклеарна доктрина.
Според него, употребата на конвенционални ракети против Руската Федерација може да предизвика нуклеарен одговор доколку овие акции го загрозат суверенитетот и територијалниот интегритет на земјата.