Во спортскиот центар „Борис Трајковски“ официјално започна сезоната 2024/2025 на лизгалиштето, отворајќи ги вратите за сите љубители на лизгањето. Лизгалиштето повторно е подготвено да ги пречека посетителите со освежена ледена површина и современи услови за безбедно и забавно уживање.
Официјалното отворање донесе еуфорија меѓу најмладите, семејствата и рекреативците, кои со задоволство очекуваа почеток на сезоната.
Организаторите ги повикуваат сите граѓани да ја посетат ледената патека и да го почувствуваат вистинскиот зимски дух, кој ќе ги топли срцата на сите генерации оваа сезона.