Во изненадувачко откритие, про-Трамповата инфлуенсерка на социјалните мрежи објави дека во тајност го родила 13-тото дете на Илон Маск. Ешли Сент Клер, 26-годишна десничарска инфлуенсерка, ја сподели оваа вест на сопствената платформа на Маск, X, и тоа на Денот на вљубените.
Сент Клер, позната по своите екстремни ставови и контроверзни мислења, тврди дека минатата година го родила детето на милијардерот, но ја криела таа информација за да ја заштити приватноста и благосостојбата на детето.
„Пред пет месеци на свет донесов бебе. Илон Маск е таткото“, напиша таа и додаде: „Досега не ја објавував оваа информација за да ја заштитам приватноста и безбедноста на нашето дете, но последниве денови стана јасно дека таблоидите сепак ќе го сторат тоа, без оглед на штетата што можат да ја предизвикаат.“
Alea Iacta Est pic.twitter.com/gvVaFNTGqn
— Ashley St. Clair (@stclairashley) February 15, 2025
Молба за приватност
Сент Клер апелираше до медиумите да ја почитуваат анонимноста на нејзиното дете и да му овозможат нормално и безбедно детство.
„Намерувам да му овозможам на нашето дете да расте во нормално и безбедно опкружување. Поради тоа, ги молам медиумите да ја почитуваат неговата приватност и да се воздржат од наметливо известување“, изјави таа.
Реакција на Маск
Илон Маск сè уште не се огласил официјално во врска со овие тврдења, но одговорил со емотикон кој плаче од смеа кога еден од неговите обожаватели сугерирал дека „правењето уште едно дете“ му е само споредна мисија.
Недолго по објавата, Маск напишал загаточен пост на мрежата Икс, одговарајќи на обожавателот кој рекол дека „правењето уште едно дете“ е само уште една од „споредните мисији“ на Маск.
H1B visas have been exploited to defraud our immigration system pic.twitter.com/UeAT0mm91H
— Ashley St. Clair (@stclairashley) December 26, 2024
Маск реагирал со емотикон кој плаче од смеа.
Порталот Дејли Меил исто така открил дека Ешли Сент Клер пред околу година дена се преселила во луксузен стан на Менхетн, во близина на Градската собранија, чии месечни наеми изнесуваат помеѓу 12.000 и 15.000 долари.