Израелските воздушни напади го уништија последниот преостанат цивилен авион на националната авиокомпанија „Јеменија ервејс“, кој оперираше од меѓународниот аеродром во Сана.
Аеродромот, кој е најголем во Јемен, беше повторно пуштен во употреба минатата недела, откако беа извршени итни поправки и обновување на пистата по претходни израелски напади.
Israel has destroyed in an aerial attack the last remaining civilian plane that Yemenia Airways was operating from Sanaa international airport.
The airport is the largest in Yemen and came back into service last week after temporary repairs and runway restoration following… pic.twitter.com/7P3oNzoQYu— Breaking Aviation News & Videos (@aviationbrk) May 28, 2025
Во изминатите денови, аеродромот главно се користеше од страна на Обединетите нации и авионот кој беше цел на најновиот израелски напад. Ова е четврти авион на „Јеменија ервејс“ уништен овој месец, откако уште три летала беа погодени при напад од почетокот на мај.
Локалните власти и хуманитарните организации изразија загриженост поради уништувањето на цивилната авијација, истакнувајќи дека тоа дополнително ги отежнува хуманитарните мисии и евакуации во веќе нестабилниот регион.