На летот на Thai Lion Air од Бангкок во средата, дојде до инцидент кога патник со вишок килограми беше извлечен од авионот откако наводно барал да биде преместен на седиште со повеќе простор за нозе.
На видеото кое се шири на социјалните мрежи, се гледа маж облечен во портокалова маица со ликот на Гарфилд, како е насила отстранет од авионот. Според сведоци, тој прво се пожалил дека нема доволно простор во неговото седиште покрај прозорецот, по што побарал да биде преместен на седиште кај излезот за итни случаи.
Но, откако екипажот одбил да го исполни неговото барање, патникот наводно предизвикал сцена, по што морал да биде отстранет од леталото. Летот од аеродромот Дон Муанг сепак полетал со околу еден час задоцнување.