Авионот на Aeromexico за малку избегнал судир со авион на Delta Air Lines додека слетувал во Мексико Сити во понеделникот.
Податоците од FlightRadar24 покажуваат дека летот 1631 на Aeromexico прелетал над летот 590 на Delta на пистата 5R на Меѓународниот аеродром „Бенито Хуарез“, пред да продолжи да слетува и да застане пред него на истата писта. Според податоците, двата авиони се нашле на растојание од само 200 стапки (околу 60 метри).
Delta Air Lines соопшти дека нивниот лет кон Атланта, со 150 патници на бордот, бил во процес на полетување кога екипажот го прекинал маневарот откако забележал „друг авион како слетува пред нивниот на истата писта“.
„Безбедноста на нашите патници и вработени е на прво место. Delta целосно ќе соработува со надлежните органи во истрагата за околностите на овој настан. Го цениме брзото реагирање на екипажот, што е дел од обемната обука на нашата компанија,“ стои во соопштението на авиокомпанијата.
И Aeromexico потврди дека соработува со властите во деталната истрага за инцидентот. „За Aeromexico, безбедноста на патниците и вработените секогаш е највисок приоритет,“ наведуваат од компанијата.
Авијациските експерти велат дека истрагата ќе се фокусира на тоа дали имало комуникациски пропуст кој довел до опасната ситуација.