Денеска, од нашата земја заминува седумчлениот воздухопловен тим од Република Чешка, којшто помогна во справувањето со огнените стихии со нивниот хеликоптер „Блек Хок“.
Од име на македонската влада и македонските граѓани, Стојанче Ангелов, директор на Дирекцијата и заштита и спасување и раководител на Главниот штаб за управување со кризи, им се заблагодари за нивниот особен придонес и помош за гаснење на пожарите на отворено и со пригодни благодарници.