Кинески сили се собрани на стадион близу Хонг Конг

 Кинески сили најверојатно воена полиција регистрирани се денеска на стадион во град во близина на Хонг Конг.

Според западни медиуми се работи за „неколку илјади лица во униформи опкружени со воени возила“.

Во близина на стадионот во градот Шенжен регистрирано е присуство и на воени камиони и борбени транспортери.

Градот се Шенжен се наоѓа на помалку од седум километри од границата со Хонг Конг.

По две месеца продемократски протести во Хонг Конг, Пекинг испрати во изминатите денови сигнали дека може да се вмеша за да се врати редот во поранешната британска колонија.

Кинеската армија има неколку илјади војници во Хонг Конг, но не е предвидено да се вмеша во внатрешните работи на автономниот регион. Тоа може да се случи по барање на локалните власти.

Главниот уредник на Глобал тајмс, Ху Сиџин изјави дека военото присуство во Шенжен е знак дека Кина се подготвува да интервенира во Хонг Конг.