Најмалку 27 лица загинаа во голем пожар што зафати бар во Бангкок, соопштија тајландските медиуми. Несреќата се случила непосредно по полноќ, а првите екипи на противпожарната служба стигнале кратко потоа.
Спасувачите затекнале гости како се обидуваат да избегаат низ предната врата обвиткана во пламен. Неверификувани снимки прикажуваат силни пламени јазици оган како избиваат од локалот, при што една жена паѓа на земја пред повторно да стане и да се оддалечи.
Премиерот на Тајланд, Анутин Чанвиракул, изјави пред новинарите на местото на настанот дека 27 лица загинале, а повеќе се пренесени во болница, според локалните медиуми. Тој нагласи дека причината за пожарот сè уште се утврдува и дека истрагата е во тек.
Барот се наоѓа во округот Чатучак и е познато забавно место и ресторан во таа област, објави тајландскиот медиум Дејли њуз. Противпожарните екипи успеале да го стават огнот под контрола за околу половина час.
По несреќата, повеќе лица сè уште се водат за исчезнати, јави тајландскиот медиум Тајрат.