Тројца мажи се лишени од слобода, а одземени се две возила и криумчарена стока во акција спроведена на македонско-косовската граница.
На 31 јули 2026 година, околу 23 часот, полициски службеници од Регионалниот центар за гранични работи Север, постапувајќи по оперативен план за спречување, откривање и фаќање лица што криумчарат преку државната граница, на подрачјето на селото Блаце, на граничната линија меѓу Блаце и Хани Елезит, ги лишија од слобода Н.Б. (27), Х.Б. (26) и Е.Џ. (21), сите од Блаце.
Тие биле затекнати додека товарале криумчарена стока, нелегално внесена од Косово, во товарно возило Мерцедес Вито со скопски регистарски ознаки и во патничко возило Хјундаи без регистарски ознаки. Возилата и стоката се одземени, известен е јавен обвинител, а по целосно документирање на случајот ќе бидат преземени соодветни законски мерки, соопшти Министерството за внатрешни работи.