Нова координирана акција на надлежните институции е во тек утрово под кодно име „Филтер 2“, потврди Основното јавно обвинителство за гонење организиран криминал и корупција.
Акцијата ја спроведуваат Царинската управа и Одделот за сузбивање на организиран и сериозен криминал при МВР-БЈБ, под раководство на јавен обвинител од Специјализираното одделение за гонење кривични дела сторени од лица со полициски овластувања и припадници на затворската полиција.
Од ОЈОГОКК информираат дека акцијата е резултат на спроведена криминалистичка истрага поради постоење основано сомнение за сторени повеќе кривични дела.
Меѓу делата кои се предмет на истрагата се криумчарење и царинска измама, при што, според Обвинителството, е предизвикана штета на државниот буџет од големи размери.
Од ОЈОГОКК најавуваат дека јавноста ќе биде дополнително информирана по завршувањето на активностите.