11,5 милиони евра повеќе од 10 месеци се замрзнати на сметка во банка во Монако. Бизнисменката Вера Ивановска поднела кривична пријава против министерот за здравство Венко Филипче и директорот на фондот за здравство Ден Дончев. Таа тужи за како што вели оневозможување на продажбата на „Дијамед“ на шведската фирма.
Нејзиниот адвокат Звонко Давидовиќ вели дека е нанесена штета врз бизнисменката, но и врз државата. Доказите кои ги поседуваат вчера ги доставиле до обвинителството.
Во обвинителството за гонење на организиран криминал за продажбата на „Дијамед“ веќе е отворен случај минатата година во октомври.
Министерот за здравство, Венко Филипче за ТВ21 вели дека следните денови ќе излезат со став заедно со директорот на фондот за здравство.
Фирмата „Дијамед“ беше поврзувана и со екс-премиерот Никола Груевски бидејќи при добивањето на лиценцата од 20 години за работа беше инволвиран и кумот Новачевски.
Замрзнатите 11,5 милиони евра во Монако, беа и причина за одредување мерка-притов за Сашо Мијалков во случајот „Империја“, но потоа СЈО се премисли.