Во Обвинителството за гонење на организиран криминал и висока корупција, за случајот „Рекет“ денеска сведочат неколку лица, меѓу кои продавачката на брендот „Пјер Карден“ каде купувал Боки 13. Потоа исказ даде Агап Дика, претседател на Собранието на Меѓународниот сојуз на Бојан Јовановски – Боки 13, а исто така ќе сведочи и бизнисменот Зоран Азманов.
Продавачката веќе дала исказ, Дика сведочи во моментов, а Азманов се очекува подоцна да пристигне и да даде исказ за случајот.
Азманов неколку пати го обвини Боки 13 за закани и изнудување на пари, а тоа се случи неколку месеци пред да се обелодени случајот „Рекет“. За овој случај во притвор се Боки 13, Зоран Милески – Кичеец и Катица Јанева.