Затвореници од гевгелискиот затвор денеска вршеа општокорисна работа во кавадаречкиот суд со што практично започна применувањето на Законот за пробација.
-Општокорисната работа се однесува на извршување хортикултурно уредување на судот, чистење на судската зграда и други дополнителни активности. Сето тоа значи и развивање на работните навики на самата осуденичка популација. Согласно законот, имаме и двајца надзорници кои ја надгледуваат работата на осудените лица и подготвуваат извештај, рече Лазар Нанев, претседател на судот.