По повод Светскито ден на интелектуалната сопственост, потпретседателката на ЛДП, Моника Зајкова вели дека гласно и почесто треба да се говои за интелектуалната сопственост.
Процентот на жени иноватори во 60тите изнесувал 3%, додека денеска изнесува фантастични 30%. Тоа е показател дека општеството се менува а жените сигурно и стабилно чекорат и творат.
Светскиот ден на интелектуалната сопственост, 26-ти април, нека не потсети на нејзиното значење како човеково право, заштитено во меѓународното право.
Интелектуалната сопственост иако не претставува актуелна проблематика, во себе ја вклучува заштитата на правата кои се елементарни за развојот на музиката, уметноста, книжевноста, науката. Како и за развој на технолошките иновации, кои се силни чинители за брз развој на локално и глобално ниво.
Значењето на заштитата на правата од интелектуална сопственост, подигањето на свеста за важноста на иноваторството, пронајдоците, патентот, авторството, заштита на правата на уметниците, музичарите, изведувачите, авторите, коавторите, пронаоѓачите, иноваторите – треба да е во фокусот на државата, но и на институциите, компаниите и граѓаните секој ден.
Македонија е членка на меѓународните организации кои ја третираат оваа област, а истата ја уредува со два главни закони: Законот за авторското право и сродните права и Законот за индустриска сопственост.
Свеста за значењето на заштитата на овие права сеуште е многу ниска, оттука потребна е постојана дискусија за значењето на истите и нивната примена.
Зголемување на интересот за работа на проблематиката од оваа област.
Праксата кај нас покажува низа недостатоци при регулирање на заштитата на правата од интелектуалната сопственост, што создава простор за поголеми заложби во оваа област.
Затоа ГЛАСНО и почесто да говориме за интелктуалната сопственост.
#WorldIntellectualPropertyDay
https://www.facebook.com/photo.php?fbid=10222541044255480&set=a.2882420780252&type=3