Вчера беше пронајдено тело во отворот на тркалата на авион на Јунајтед ерлајнс откако тој слета на Мауи, јавува NBC News.
Откритието е направено вчера откако Боинг 787-10 пристигна на аеродромот Кахулуи, се вели во соопштението на Јунајтед. Летот полетал од аеродромот во Чикаго на Бадник.
Авиокомпанијата соопшти дека до делот од авионот каде што е пронајдено телото може да се пристапи само однадвор.
Не е јасно како и кога лицето пристапило до тркалото, велат од авиокомпанијата, истакнувајќи дека соработуваат со полицијата.
Хавајските власти соопштија дека го истражуваат инцидентот.