Албанскиот претседател Бајрам Бегај преку објава на Твитер ги осуди кибернападите што ја погодија неговата земја, повикувајќи на зајакнување на врските со партнерите и сојузниците на Албанија.
-Неодамнешните кибернапади врз нашата витална инфраструктура не потсетуваат дека националната безбедност е врвен приоритет. Мораме да ги градиме и развиваме нашите национални способности преку зајакнување на врските со нашите партнери и сојузници за да ја заштитиме безбедноста на нашите земји и народи, напиша Бегај.
Тој исто така потсети на терористичкиот напад од 11 септември 2001 година во САД.
-Денеска им оддаваме почит на сите оние кои ги загубија и ги дадоа своите животи во смртоносните терористички напади од 11 септември против САД и демократијата, наведува Бегај во објавата.
